طالعة من بيت أبوها داخلة بيت الجيران ...!!!

Qamar طالعه من بيت أبوها داخله بيت الجيران ,دا كان زمان كانت البنت فى بيت أبوها ماطتلعش منه الا فى حالات الضرورة القصوى زى مثلاً زيارة لبيت خالتها مع امها أو زيارة عائِلية عند عمها مع أبوها ,ور بما تكون بتدرس او حاجة فمن البيت للمدرسة ومن المدرسة للبيت. ولا تروح يمين ولا عمرها تبص شمال.

تقعد فى البيت معززة مكرمة تتعلم من الست الحاجة الطبخ وشئون البيت لحد ما يجى اليوم السعيد وتعلو فيه صوت الزغاريد ونجيب طبله فى قعدة نسائية تغنى وتقول:يا دبلة الخطوبة عقبالنا كلنا.........ونبنى طوبة طوبة....لحد ما تطلع من بيت أبوها وتدخل بيت الجيران ودقو المزاهر يا أهل البيت تعالو..........دا كان من ربع قرن تقريباً -25 سنة-

أما دلوقتى الأغنية اصبحت غير ملائمة للوضع الحالى والعصر الجديد عصر المينى جيب

نقدر نقول طالعه من بيت أبوها رايحه تذاكر مع تيمو صاحبها اللى ساكن قريب فى المهندسين أصل الامتحان قرب خلاص دا بكرة وبما أنه بكرة مافيش داعى انها ترجع بيت أبوها أنهاردة هى تبات الليله مع تيمو ويطلعو الصبح على الامتحان
والله بتتعبو يا ولاد

دلوقتى الضروريات كترت قوى بقى فى مدارس و دروس خصوصية فى أوقات متأخرة
غير طبعاً خروجات الشلة فى النايت كلاب
وطبعاً نظراً لمشغولات البنت الكثيرة بقى صعب انها تتعلم الطبخ وربنا يخليلنا عمو كينتاكى

أما الزيارات العائِليه بقى مالهاش لزوم خلاص هى عندها زيارات فى ستى ستارز وخروجة فى فيلم روش طحن بطولة أحمد عز أصلة يجنن وعيونة حلوة
أو حفلة فى مارينا لتامر حسنى اصله يجنن وأغانية تحفة-مع أنى مش لاقى كلمة واحدة عدلة أو مفهومة فيها-ما علينا
المهم رغم كل دا مازالت البنت بترجع قبل الفجر ما شاء الله عليها عمرها ما تستنى لحد ما الفجر يأذن ولو حصل لقدر الله الفجر أذن عليها فى الطريق
ترجع على طول تنام عند احدى صحباتها اصلة مايصحش ترجع بيتها بعد الفجر

وطالعه من بيت أبوها مش عارف هى رايحه فين

ليش في صعوبه ده سهل جدا
شكرا على مرورك .....

ميرسي

موضوع جنان
شكرا و تقبلي مروري