خص نص للي بيشربوا أركيلة

المذيعة :نقدم لكم ضيفتنا الارجيلة الغنية عن التعريف والمشهورة في كل مقاهي وبيوت الوطن العربي والمعروفة بلقب مدمرة الصحة ..اهلا وسهلا بك شرفتينا

الاركيلة: شكرا شكرا لك

المذيعة: سمعنا اخبار ما منعرف ان كانت صحيحة ولا اشاعات قال في تنافس ونزاع شديد بينك وبين ابنة عمك السيجارة شو رايك بهالكلام


الاركيلة: في الحقيقة انا وابنة عمي اهدافنا واحدة وهي التدمير والتخريب بس هي طماعة وداقة عينها وقت اللي شافت شعبيتي وعدد جماهيري بس في النهاية بنبقى عائلة وحدة وانا بحب وضح اني ضد الصحة وماني ضد ابنة عمي.

المذيعة: عم بيقولوا انك مغرورة وكتير عندك ثقة بنفسك هل هالكلام صحيح

الاركيلة:اكيد اكيد واثقة من نفسي انا معروفة بجاذبيتي وشاغلة السوق كله عم يحضرولي نكهات مختلفة واشكال وحجوم مختلفة والوان منوعة ترضي كل الاذواق.. مين قدي انا واعوذ بالله من كلمة انا

المذيعة طيب عرفنا انك جميلة بس قال وراء جاذبيتك وسحرك
في خداع وضرر غير محدود شو رايك بهالاتهام

الاركيلة: لا اسمحيلي الناس كتير ظالمة ..انتي يعني بتشوفي واحد مات بسرطان الرئة وتاني يوم بتشوفي اهلوا عم يشربوا الاركيلة مشان يخففوا عنهم يعني انا متهومة بس بدون ذنب(مظلومة ياناس مظلومة)

المذيعة: طيب حكيلنا شو هي اعمالك وبرامجك المستقبلية

الاركيلة: مشاريعي المستقبلية اني احصد اكبر عدد ممكن من الواقعين في شباكي وانتي بتعرفي العشاق كتار

المديعة: وكيف بتقدري تسيطري عليهم بهالسهولة

الاركيلة: هههههه سهل كتير.. نظرة ..رائحةعطرة ..شحطة.. ومن ثم حب .. تعلق.. وادمان ..
وبس وقع الشخص بين ايدي الله يحميه لانو ما سهل ابدا يخلص مني انا ورفقاتي النيكوتين والقطران وبقية السموم منعيش بين خلايا الجسم ومنعمل عروض و مسرحيات يعني مبارح كان عنا احتفال بالرئتين واليوم عنا سهرة بشرايين القلب
وبتعرفي كل الاضرار اللي بتصير بهيك احتفالات نحنا غير مسؤولين عنها نحنا منعمل اللي علينا والجسم هو الله يعينوا بيبقى يتصرف

المذيعة طيب في النهاية ما بعرف شو بدي اتمنالك ...
المزيد من التوفيق في حصد صحة الناس.. ولا اتمنالك تختفي
من الوجود وتريحي العالم من شرك المخفي على كل حال شكرا الك .




ما بعرف شو بدي قول بس خففوا منها وألا وقتها لا ينفع الندم

الحمد لله اني مبطل الارجيلة من شي ست شهور ولليوم,,,
الحمد لله!!

وشكرا على الموضوع الرائع

الصراحة بحب الارجيلة كتير ولما بتكون متوفرة لا استطيع بدونها
بس ظروفي هاكام يوم مانعتني منها يعني ما بشربها الا نادرا
مرسي شام

دخيل ربكم بطلوها وانت الحبيب هلق مو حاسس بس بعدين لما تصير ختيار بتتذكر يعني خلوها بلاسبوع مرة مو مشان شي مشان صحتكن

شام يعني خليتينا عجايز بهي السرعة
لسى نحنا شباب
بعدين بس الذي صرت عجوز ببطلها
مرسي مرة ثانية شام
احى شام ع احلى نصيحة

شكرا لمروركم بس فكروا فيا
مافي باوكرانيا فحم وعندهم كل هالغابات لكن في معسل

والله معك حق شام
خلص بدي بطل؟؟؟

اي خد النصيحة حبيب قبل كانت بجمل هههههه
بس اسمع مني

مرحبا شامو
شو مشان انو الاطرح شيت الموضوع كتير في ما بعرف شو بدي قلك بس انو ما جاب الموضوع وعطا الفكرة عرفتي شولن يعني هيك متل ما قلتلك يعني هيك صار عرفتي لهيك عزيزتي ميرسي كتير عل الفكرة يلي وصلتيها ونضرب الاركيلة وساعتها وخلينا نشوفك على طول عم تنزلي هيك اشيا حلوة متل صاحبتا