شاب يروى قصة حياته فى الحرب على غزة .....
+2
Ghary
ايمان
6 مشترك
صفحة 1 من اصل 1
شاب يروى قصة حياته فى الحرب على غزة .....
بكل عفوية.. وبروح مرحة ... يروي الشاب الغزاوي كيف يقضي يومه خلال الحرب...
اترككم معه..!!
ويقول:
واجا اليوم العشرين..
وكل يوم بنقول هادة أقوى يوم.. وأعنف يوم ..
لا بس بجد.. اليوم أعنف وأقوى يوم شفناه..
كنا نشوف أغلب القصف على التلفزيون .. هلقيت صار قدامنا مباشر..
طول الليل الدنيا تضوي وتطفي.. زي الألعاب النارية..
بس العالم الألعاب النارية عندها من الأرض للسما.. إلا في غزة.. من السما للأرض..
هيهم وصلوا تل الهوى.. يعني بشيكل بكونوا عنا.. مش بشيكل ونص حتى..
أنا قاعد عالكمبيوتر.. وأهلي كلهم مجتمعين قالبين محللين عسكريين.. وعاملين غرفة عمليات مشتركة.. ومستغربين اني قاعد عالنت.. على أساس إنو الدنيا حرب لازم أضل قاعد ألطم..
تلت أسابيع قاعدين في الدار لا طلعة ولا نزلة.. ولا شغلة ولا مشغلة.. فش كهربا ولا ميا.. من كتر الزهق من القعدة الواحد بتحير ايش يعمل في الدار..
مرات بقعد أعد البلاط.. ومرات أكم كسرة في الستارة.. وأحياناً بقعد ألعب في الجوال (في حال كان فيه بطارية).. أو بقعد أتشغل في واحد من اخواتي..
ما علينا.. الحلو في الموضوع انه شلومو بتبين حنيته في وقت الحرب .. بقولك حفاظاً على رفاهية الشعب.. اعطونا تلت ساعات تهدئة في اليوم.. الواحد يعمل فيهم اللي بده اياه..
وأحلى ما فيهم انهم مشكلين.. يوم من الوحدة للأربعة.. ويوم من التمنية للحدعش.. ويوم من العشرة للوحدة..
وبقولك احزر الفترة تاعت بكرة واتصل على رقم تلت تمنيات اتنين صفر وواحد احمر.. بتكسب جائزة..
والله الواحد بتحير ايش يعمل في التلت ساعات .. مسافة ما يفكر وين يطلع (على أساس ضل مكان في غزة الواحد يروح عليه) بكونوا خلصوا..
اليوم قعدت أفكر أفكر ايش أعمل.. لقيت احسن اشي أعمله اني أنام.. عشان الجو بكون هدوء وفش صوت قصف (نسبياً) ..
لأنه طول الليل صوت القصف وصوت الزنانات بخليش الواحد يعرف ينام.. الواحد بحس انه في واحد بخرق في نافوخه بمقدح..
طول ما الواحد قاعد وهوة بسمع يا صوت صاروخ قريب.. يا بعيد.. يا بحس بهزة.. وبدينا نسمع مناطق غريبة صاروا يقصفوها..
مرة مقبرة.. ومرة صالة أفراح.. ومرة عمارة سكنية.. ومرة دار مهجورة.. أو بقصفوا مكان قصفوه قبل هيك (للتأكيد)..
طبعاً في هادي المناسبة بحب أتقدم بالشكر للطيار اللي بقصف بإنه بحدف صاروخ صغير عالدار قبل ما يجيبها نصين بالصاروخ اللي بعده..
شايفين الإنسانية لوين.. وبتقولوا عنهم عاطلين.. يعني اللي ما بصيده الصاروخ الأول.. معاه خمس دقايق ينفد بجلده قبل ما يجيب أجله الصاروخ التاني..
الأعمار بيد الله.. الواحد عنده يقين انه كل شي بأمر الله.. عالرغم بإنه الواحد بطل يخاف زي أول لما يسمع صوت صاروخ..
بس إلا إنه الخوف من انه الطيار أخو الشلن تحلو دارنا في عينه ويمزعنا صاروخ بحجة الغسيل اللي عالسطح بأثر عالزنانات..
دايما بحاول أواسي حالي بالمقولة اللي بتقول "متخفش من صوت الرصاص.. لأنه الرصاصة اللي حتقتلك مش حتسمع صوتها"..
بس هالمقولة بتنطبقش عالصواريخ.. ولا ايش رأيكم..؟
أكتر اشي بكيف عليه لما يرن تلفون الدار.. بنصير نتقاتل مين يرد عالتلفون أنا واخواتي.. عشان نحكي مع الناس اللي بتصلوا من الدول العربية..
كل واحد وحظه.. يطلع الإتصال من المغرب.. الجزائر.. مصر.. ليبيا.. السعودية.. السودان.. أو يتخوزق ويطلعله واحد بقولك جيش الدفاع الاسرائيلي..
ويطلع الشب بحزرك انه يكون عندك سلاح.. أو تتعامل مع واحد من المقاومة..
بس اليوم حسيت انه فش إلا تلفونا بكل غزة.. مسكتش وهوة يرن..
- ألو السلام عليكم...
- وعليكم السلام..
- معك فلانة من ليبيا.. الله معكم.. الله ينصركم.. الله يقويكم..
- تسلمي يا حجة.. إدعولنا..
- الله ينصركم ويحفظكم..
- يلا سلام عليكم..
- وعليكم السلام..
هادي عينة من المكالمات اللي بتوصلنا.. مع انها صغيرة وفهاش رغي وطق حنك .. إلا إنها بتحسس الواحد انه مش لحاله وفي حد معاه..
ويا حبيبي لو خلال المكالمة نزل صاروخ ولا الخمسمية تاعت الأباتشي اشتغلت.. شوف العياط على التلفون .. وبدل ما هما يصيروا يواسوك ويهدوا فيك.. احنا بنصير نهدي فيهم ونسكتهم..
لأ والشغلة الجديدة اللي غايظاني قصة الفسفور.. أنا طول عمري بسمع انه الفسفور في السمك.. وإنه مفيد للشسمو.. وكل ما الواحد كان ياكل سمك.. كان يحس حاله صار يضوي من الفسفور..
بس هان الوضع مختلف.. فسفور صح بخليك تضوي.. يعني أول ما تيجي عليك قذيفة فسفور.. وتهب فيك النار.. حيصير اللي يشوفك يقولك منور ياحج.. الله يلطف فينا..
طبعاً وقت الفراغ الواحد بحاول يستغله بإشي مفيد.. أنا استغليت وقتي برياضة جديدة.. وهية رياضة براميل الميا..
أول ما أفتح عنيا على طول بمارس الرياضة اليومية.. بطلع على سطح الدار بتفقد البراميل.. وقديش ضايل ميا.. طبعاً عن طريق الدقدقة على البرميل..
الواحد صارت أذنه موسيقية برميلية.. وصار من صوت الدقة على البرميل يعرف إذا كان فاضي ولا مليان (طبعاً هادي الكل بعرفها).. بس الجديد واللي اكتسبته مع الخبرة انه لو كان البرميل مليان أعرف أكم لتر ميا فيه..
أنا لقيت حالي لهلقيت عايش قلت أكتبلكم أحكيلكم عن وضعنا.. بكرة يمكن أكون عايش بس مش قادر أكتب.. أو م
ش عايش من أصلو..
إدعولنا.. إدعوا تنحل هالقصة على خير.. إدعوا للمقاومين.. إدعوا للشهدا.. إدعوا للجرحى.. إدعوا للناس الله يصبرها.. إدعوا للكل..
ولو ضل معكم وقت.. إدعولي أصير غني
..
يمكن اللى لفت نظرى بهالقصة انى عشتها بكل تفاصيلها
اتمنى ان تنال اعجابكم
هههه
اترككم معه..!!
ويقول:
واجا اليوم العشرين..
وكل يوم بنقول هادة أقوى يوم.. وأعنف يوم ..
لا بس بجد.. اليوم أعنف وأقوى يوم شفناه..
كنا نشوف أغلب القصف على التلفزيون .. هلقيت صار قدامنا مباشر..
طول الليل الدنيا تضوي وتطفي.. زي الألعاب النارية..
بس العالم الألعاب النارية عندها من الأرض للسما.. إلا في غزة.. من السما للأرض..
هيهم وصلوا تل الهوى.. يعني بشيكل بكونوا عنا.. مش بشيكل ونص حتى..
أنا قاعد عالكمبيوتر.. وأهلي كلهم مجتمعين قالبين محللين عسكريين.. وعاملين غرفة عمليات مشتركة.. ومستغربين اني قاعد عالنت.. على أساس إنو الدنيا حرب لازم أضل قاعد ألطم..
تلت أسابيع قاعدين في الدار لا طلعة ولا نزلة.. ولا شغلة ولا مشغلة.. فش كهربا ولا ميا.. من كتر الزهق من القعدة الواحد بتحير ايش يعمل في الدار..
مرات بقعد أعد البلاط.. ومرات أكم كسرة في الستارة.. وأحياناً بقعد ألعب في الجوال (في حال كان فيه بطارية).. أو بقعد أتشغل في واحد من اخواتي..
ما علينا.. الحلو في الموضوع انه شلومو بتبين حنيته في وقت الحرب .. بقولك حفاظاً على رفاهية الشعب.. اعطونا تلت ساعات تهدئة في اليوم.. الواحد يعمل فيهم اللي بده اياه..
وأحلى ما فيهم انهم مشكلين.. يوم من الوحدة للأربعة.. ويوم من التمنية للحدعش.. ويوم من العشرة للوحدة..
وبقولك احزر الفترة تاعت بكرة واتصل على رقم تلت تمنيات اتنين صفر وواحد احمر.. بتكسب جائزة..
والله الواحد بتحير ايش يعمل في التلت ساعات .. مسافة ما يفكر وين يطلع (على أساس ضل مكان في غزة الواحد يروح عليه) بكونوا خلصوا..
اليوم قعدت أفكر أفكر ايش أعمل.. لقيت احسن اشي أعمله اني أنام.. عشان الجو بكون هدوء وفش صوت قصف (نسبياً) ..
لأنه طول الليل صوت القصف وصوت الزنانات بخليش الواحد يعرف ينام.. الواحد بحس انه في واحد بخرق في نافوخه بمقدح..
طول ما الواحد قاعد وهوة بسمع يا صوت صاروخ قريب.. يا بعيد.. يا بحس بهزة.. وبدينا نسمع مناطق غريبة صاروا يقصفوها..
مرة مقبرة.. ومرة صالة أفراح.. ومرة عمارة سكنية.. ومرة دار مهجورة.. أو بقصفوا مكان قصفوه قبل هيك (للتأكيد)..
طبعاً في هادي المناسبة بحب أتقدم بالشكر للطيار اللي بقصف بإنه بحدف صاروخ صغير عالدار قبل ما يجيبها نصين بالصاروخ اللي بعده..
شايفين الإنسانية لوين.. وبتقولوا عنهم عاطلين.. يعني اللي ما بصيده الصاروخ الأول.. معاه خمس دقايق ينفد بجلده قبل ما يجيب أجله الصاروخ التاني..
الأعمار بيد الله.. الواحد عنده يقين انه كل شي بأمر الله.. عالرغم بإنه الواحد بطل يخاف زي أول لما يسمع صوت صاروخ..
بس إلا إنه الخوف من انه الطيار أخو الشلن تحلو دارنا في عينه ويمزعنا صاروخ بحجة الغسيل اللي عالسطح بأثر عالزنانات..
دايما بحاول أواسي حالي بالمقولة اللي بتقول "متخفش من صوت الرصاص.. لأنه الرصاصة اللي حتقتلك مش حتسمع صوتها"..
بس هالمقولة بتنطبقش عالصواريخ.. ولا ايش رأيكم..؟
أكتر اشي بكيف عليه لما يرن تلفون الدار.. بنصير نتقاتل مين يرد عالتلفون أنا واخواتي.. عشان نحكي مع الناس اللي بتصلوا من الدول العربية..
كل واحد وحظه.. يطلع الإتصال من المغرب.. الجزائر.. مصر.. ليبيا.. السعودية.. السودان.. أو يتخوزق ويطلعله واحد بقولك جيش الدفاع الاسرائيلي..
ويطلع الشب بحزرك انه يكون عندك سلاح.. أو تتعامل مع واحد من المقاومة..
بس اليوم حسيت انه فش إلا تلفونا بكل غزة.. مسكتش وهوة يرن..
- ألو السلام عليكم...
- وعليكم السلام..
- معك فلانة من ليبيا.. الله معكم.. الله ينصركم.. الله يقويكم..
- تسلمي يا حجة.. إدعولنا..
- الله ينصركم ويحفظكم..
- يلا سلام عليكم..
- وعليكم السلام..
هادي عينة من المكالمات اللي بتوصلنا.. مع انها صغيرة وفهاش رغي وطق حنك .. إلا إنها بتحسس الواحد انه مش لحاله وفي حد معاه..
ويا حبيبي لو خلال المكالمة نزل صاروخ ولا الخمسمية تاعت الأباتشي اشتغلت.. شوف العياط على التلفون .. وبدل ما هما يصيروا يواسوك ويهدوا فيك.. احنا بنصير نهدي فيهم ونسكتهم..
لأ والشغلة الجديدة اللي غايظاني قصة الفسفور.. أنا طول عمري بسمع انه الفسفور في السمك.. وإنه مفيد للشسمو.. وكل ما الواحد كان ياكل سمك.. كان يحس حاله صار يضوي من الفسفور..
بس هان الوضع مختلف.. فسفور صح بخليك تضوي.. يعني أول ما تيجي عليك قذيفة فسفور.. وتهب فيك النار.. حيصير اللي يشوفك يقولك منور ياحج.. الله يلطف فينا..
طبعاً وقت الفراغ الواحد بحاول يستغله بإشي مفيد.. أنا استغليت وقتي برياضة جديدة.. وهية رياضة براميل الميا..
أول ما أفتح عنيا على طول بمارس الرياضة اليومية.. بطلع على سطح الدار بتفقد البراميل.. وقديش ضايل ميا.. طبعاً عن طريق الدقدقة على البرميل..
الواحد صارت أذنه موسيقية برميلية.. وصار من صوت الدقة على البرميل يعرف إذا كان فاضي ولا مليان (طبعاً هادي الكل بعرفها).. بس الجديد واللي اكتسبته مع الخبرة انه لو كان البرميل مليان أعرف أكم لتر ميا فيه..
أنا لقيت حالي لهلقيت عايش قلت أكتبلكم أحكيلكم عن وضعنا.. بكرة يمكن أكون عايش بس مش قادر أكتب.. أو م
ش عايش من أصلو..
إدعولنا.. إدعوا تنحل هالقصة على خير.. إدعوا للمقاومين.. إدعوا للشهدا.. إدعوا للجرحى.. إدعوا للناس الله يصبرها.. إدعوا للكل..
ولو ضل معكم وقت.. إدعولي أصير غني
..
يمكن اللى لفت نظرى بهالقصة انى عشتها بكل تفاصيلها
اتمنى ان تنال اعجابكم
هههه
ايمان- مشرفة
-
عدد المشاركات : 535
العمر : 34
البلد : فلسطين
العمل : طالبة جامعة
قول مأثور : لن تستطيع أن تمنع طيور الهم من أن تحلق فوق رأسك***
ولكنك تستطيع أن تمنعها من أن تعشش فى رأسك..
النقاط : 5739
السٌّمعَة : 28
- :
رد: شاب يروى قصة حياته فى الحرب على غزة .....
شكرا على القصة الروعة,, والله يقوي عزيمة اهلنا في فلسطين ويحررهم من الاسرائيليين الارهاب
رد: شاب يروى قصة حياته فى الحرب على غزة .....
الله يبصرهم
مشكور على القصة
مشكور على القصة
*دلع* الشامية- إداري
-
عدد المشاركات : 1467
العمر : 30
البلد : سوريا
العمل : طالبة
المزاج : غالبا عصبية
هدفك من المنتدى : الاستفادة
قول مأثور : العلم نور والنور كهرباء والكهرباء خطر على حياتنا فلماذا نتعلم
النقاط : 6743
السٌّمعَة : 43
وسام التميز :
- :
رد: شاب يروى قصة حياته فى الحرب على غزة .....
لو بدى اكتب عن الحرب رح اكتب حكاوى وقصص تملى كتاب
ثلثينها بموت من الضحك والباقى بيقهر
بس شو زكرك فيها !!!
يعطيكى العافية
ثلثينها بموت من الضحك والباقى بيقهر
بس شو زكرك فيها !!!
يعطيكى العافية
الورد الحزين- شخصية هامة
-
عدد المشاركات : 500
العمر : 33
البلد : احلى بلد بهالدنيا كلها
المزاج : حسب ..
قول مأثور : ليس الجمال باثواب تزيننا ** انا الجمال جمال العلم والادب
النقاط : 5851
السٌّمعَة : 58
وسام التميز :
- :
رد: شاب يروى قصة حياته فى الحرب على غزة .....
شكرا عالقصة الحلوة يا ايمان
ومتل ما ئال غاري الله االله يقويهم
ومرسي اكين
ومتل ما ئال غاري الله االله يقويهم
ومرسي اكين
ScOrPiOn Of DeAtH- نائب المدير
-
عدد المشاركات : 2127
العمر : 33
البلد : روسيا
العمل : driving fast
المزاج : sensitive
هدفك من المنتدى : التواصل مع الأصدقاء والاستفادة والترفيه
قول مأثور : MAKE IT OR BREAK IT
النقاط : 7775
السٌّمعَة : 135
وسام التميز :
- :
رد: شاب يروى قصة حياته فى الحرب على غزة .....
امين يارب
شكرا لكم
بس يالورد الحزين لو كنتى بقلب غزة وقت الحرب ما حكيتى هالشى
لان كل شى صار بيقهر وما فى بيضحك ابدا
شكرا لمروركم مرة تانية
شكرا لكم
بس يالورد الحزين لو كنتى بقلب غزة وقت الحرب ما حكيتى هالشى
لان كل شى صار بيقهر وما فى بيضحك ابدا
شكرا لمروركم مرة تانية
ايمان- مشرفة
-
عدد المشاركات : 535
العمر : 34
البلد : فلسطين
العمل : طالبة جامعة
قول مأثور : لن تستطيع أن تمنع طيور الهم من أن تحلق فوق رأسك***
ولكنك تستطيع أن تمنعها من أن تعشش فى رأسك..
النقاط : 5739
السٌّمعَة : 28
- :
رد: شاب يروى قصة حياته فى الحرب على غزة .....
هههههههههههههههههه
ههههههههههه
الله يوفقك يارب
ضحكتينى وما كان جاى عبالى
شو هالحكى الحلو ولى عصبتى
بس توضيح صغييير : انا كنت بقلبها وروحها وعقلها لغزة وقت الحرب
هههههههههههه
ههههههههههه
الله يوفقك يارب
ضحكتينى وما كان جاى عبالى
شو هالحكى الحلو ولى عصبتى
بس توضيح صغييير : انا كنت بقلبها وروحها وعقلها لغزة وقت الحرب
هههههههههههه
الورد الحزين- شخصية هامة
-
عدد المشاركات : 500
العمر : 33
البلد : احلى بلد بهالدنيا كلها
المزاج : حسب ..
قول مأثور : ليس الجمال باثواب تزيننا ** انا الجمال جمال العلم والادب
النقاط : 5851
السٌّمعَة : 58
وسام التميز :
- :
رد: شاب يروى قصة حياته فى الحرب على غزة .....
ويوفق لجميع يارب
بس والله ما فهمت عليكى يالورد الحزين
شو اللى ضحكك
بس على العموم مبسوطة كتييير انو الحزين بيضحك
بس والله ما فهمت عليكى يالورد الحزين
شو اللى ضحكك
بس على العموم مبسوطة كتييير انو الحزين بيضحك
ايمان- مشرفة
-
عدد المشاركات : 535
العمر : 34
البلد : فلسطين
العمل : طالبة جامعة
قول مأثور : لن تستطيع أن تمنع طيور الهم من أن تحلق فوق رأسك***
ولكنك تستطيع أن تمنعها من أن تعشش فى رأسك..
النقاط : 5739
السٌّمعَة : 28
- :
رد: شاب يروى قصة حياته فى الحرب على غزة .....
لا الحزين ما بيضحك !!!!!!!
الورد الحزين- شخصية هامة
-
عدد المشاركات : 500
العمر : 33
البلد : احلى بلد بهالدنيا كلها
المزاج : حسب ..
قول مأثور : ليس الجمال باثواب تزيننا ** انا الجمال جمال العلم والادب
النقاط : 5851
السٌّمعَة : 58
وسام التميز :
- :
رد: شاب يروى قصة حياته فى الحرب على غزة .....
اى بلى لو حاول بيضحك
وبيطلع معو احلى ضحكة كمان
بتنور الدنيا من حوله
بس هوا ما عليه الا المحاولة !!!!!!!
ياترى بيسمع منى وبيحاول ؟؟؟
وبيطلع معو احلى ضحكة كمان
بتنور الدنيا من حوله
بس هوا ما عليه الا المحاولة !!!!!!!
ياترى بيسمع منى وبيحاول ؟؟؟
ايمان- مشرفة
-
عدد المشاركات : 535
العمر : 34
البلد : فلسطين
العمل : طالبة جامعة
قول مأثور : لن تستطيع أن تمنع طيور الهم من أن تحلق فوق رأسك***
ولكنك تستطيع أن تمنعها من أن تعشش فى رأسك..
النقاط : 5739
السٌّمعَة : 28
- :
رد: شاب يروى قصة حياته فى الحرب على غزة .....
تصدقى عنجد حبيتك
ياعسسسسل
بس شو اللى بيستاهل المحاولة ؟؟؟
خيبة ما فى شى بيستاهل !!!!!!!!!!!
ياعسسسسل
بس شو اللى بيستاهل المحاولة ؟؟؟
خيبة ما فى شى بيستاهل !!!!!!!!!!!
الورد الحزين- شخصية هامة
-
عدد المشاركات : 500
العمر : 33
البلد : احلى بلد بهالدنيا كلها
المزاج : حسب ..
قول مأثور : ليس الجمال باثواب تزيننا ** انا الجمال جمال العلم والادب
النقاط : 5851
السٌّمعَة : 58
وسام التميز :
- :
رد: شاب يروى قصة حياته فى الحرب على غزة .....
والله قصتك قصة انتى
بتقولى حبيتينى
طيب ما رح تضحكيلى
ولا رح تقولى بحبك وكانك رح تقتلينى
ما بقبل بس هيك بدى احلى ضحكة
سمعينى
يلا
بتقولى حبيتينى
طيب ما رح تضحكيلى
ولا رح تقولى بحبك وكانك رح تقتلينى
ما بقبل بس هيك بدى احلى ضحكة
سمعينى
يلا
ايمان- مشرفة
-
عدد المشاركات : 535
العمر : 34
البلد : فلسطين
العمل : طالبة جامعة
قول مأثور : لن تستطيع أن تمنع طيور الهم من أن تحلق فوق رأسك***
ولكنك تستطيع أن تمنعها من أن تعشش فى رأسك..
النقاط : 5739
السٌّمعَة : 28
- :
الورد الحزين- شخصية هامة
-
عدد المشاركات : 500
العمر : 33
البلد : احلى بلد بهالدنيا كلها
المزاج : حسب ..
قول مأثور : ليس الجمال باثواب تزيننا ** انا الجمال جمال العلم والادب
النقاط : 5851
السٌّمعَة : 58
وسام التميز :
- :
رد: شاب يروى قصة حياته فى الحرب على غزة .....
شكراً لك اخت إيمان على نقل هذه القصة من أرض الصمود من أرض الفخر والعزة والكرامة
السلام- عضو مشارك
-
عدد المشاركات : 49
العمر : 44
البلد : السعودية
العمل : موظف
المزاج : عادي
هدفك من المنتدى : التواصل مع الاشقاء في سوريا
النقاط : 5083
السٌّمعَة : 0
رد: شاب يروى قصة حياته فى الحرب على غزة .....
العفو
كل الشكر لك لتواجدك المتميز
كل الشكر لك لتواجدك المتميز
ايمان- مشرفة
-
عدد المشاركات : 535
العمر : 34
البلد : فلسطين
العمل : طالبة جامعة
قول مأثور : لن تستطيع أن تمنع طيور الهم من أن تحلق فوق رأسك***
ولكنك تستطيع أن تمنعها من أن تعشش فى رأسك..
النقاط : 5739
السٌّمعَة : 28
- :
صفحة 1 من اصل 1
صلاحيات هذا المنتدى:
لاتستطيع الرد على المواضيع في هذا المنتدى
السبت يناير 03, 2015 3:22 am من طرف aboanas222
» كتاب صيانة الحاسب - هاردوير وتجميع قطع الحاسب, تحميل مجاني
الجمعة أكتوبر 24, 2014 8:00 pm من طرف kandeelhamed
» Multisim 10 تحميل - برنامج كامل + كراك وسيرال
الخميس أكتوبر 23, 2014 11:04 pm من طرف kheadr85
» كتاب مهم لكشف كيفية التعامل مع السحرررررر
الخميس أغسطس 07, 2014 3:56 am من طرف ahmedsadek
» وداعا للســياحة والاستثـمـار بالمغـــرب
الخميس مايو 29, 2014 4:03 pm من طرف لاتفيا
» wetger
الجمعة مايو 09, 2014 7:19 am من طرف mameldine
» دهانات 2014 -بهيات -اصباغ مضيئة
الأحد مارس 23, 2014 5:13 pm من طرف ماجك لايت
» حصريا سيرفرات التسويق عبر البريد الالكتروني بتقنيات جديدة
الأحد مارس 09, 2014 8:48 pm من طرف expressarabb
» اعلانات ورسائل جماعية واتس اب
الإثنين مارس 03, 2014 9:09 pm من طرف expressarabb
» هل تبحث عن مصدر دخل اضافي وتريد استغلال مواهبك
الأحد فبراير 23, 2014 8:31 pm من طرف expressarabb
» افضل واجمل موقع للتصميم الصور حصريا في منتديات قمر الزمان
الخميس فبراير 13, 2014 5:46 am من طرف الطير الحر المسافر
» أربعينية تكتشف سر مرضها بالصدفة فتقضي عليه بتناولها لمكملات الهاشمي الغذائية
الأربعاء يناير 08, 2014 11:18 pm من طرف شهد الروح
» نساعدك فى تخطى ازمات حياتك
الإثنين أكتوبر 28, 2013 12:56 am من طرف علاج نفسى
» Kaspersky Anti-Virus Personal - 7.0.0.124 -أفضل برامج للحماية
الإثنين أكتوبر 14, 2013 9:35 pm من طرف mimi.reo
» إعلانات ترويجية من مايكرسوفت للجهازين Surface 2 و Surface Pro 2
الأربعاء أكتوبر 02, 2013 8:07 pm من طرف Steve jobs
» مزايدات ترفع سعر "آيفون 5 إس" الذهبي لـ10 آلاف دولار
الأربعاء أكتوبر 02, 2013 7:50 pm من طرف Steve jobs
» طرفية الـ Kinect لجهاز XBox One ستتمكن من فهم شخصين في نفس الوقت
الأربعاء أكتوبر 02, 2013 7:45 pm من طرف Steve jobs
» جالاكسي نوت 3 يحمل أفضل شاشة عرض على الإطلاق
الأربعاء أكتوبر 02, 2013 7:35 pm من طرف Steve jobs
» Samsung تتلاعب بنتائج اختبار Galaxy Note3 ليظهر اقوي بنسبة 20%
الأربعاء أكتوبر 02, 2013 6:59 pm من طرف Steve jobs
» Galaxy GEAR ستدعم Galaxy S3 و Galaxy Note 2 على حد سواء
الأربعاء أكتوبر 02, 2013 6:54 pm من طرف Steve jobs