*مسكين قلب حبك*

من طرف **الملاك الابيض** الأحد يوليو 18, 2010 8:16 pm

&&& مسكين قلب حبك &&&

علمتني الحب ومنك الحب انا عفته

كرهت ذكرك وذكر الحب بسبابك

كنت افتخر بك واقول القلب شرفته

واثر الحقيقه تعذبني وانا اهنابك

يا ليتني معك درب الحب ما طفته

ولا وصلت إلطموح تاه بغيابك

عشمتني بالسعادة والامل ضفته

إلين ما صرت اذوق الموت واحيابك

وفي بحر حبك غرامي ليه كثفته

خليتني اعشقك واشتاق لعتابك

دخلتني في بحر حبك ونشفته

وخليتني تنزف إجروحي على ترابك

ورسمتني رمش في عينك وصففته

وبعيونك السود ترميني من اهدابك

ومن شان حبك كثير الهم طوفته

واقول في داخلي وش عاد سوابك

مسكين قلب يحبك ليه خوفته

من بعد ما كان خوف القلب يهدابك

جيتك باسم عاشق بالود حلفته

بأصدق مشاعر مع العشاق يغتابك

جيتك اصارع عذاب منك لي ضفته

ورجعت اصارع عذاب نال باعجابك

سايق عليك النبي وش عاد خلفته

شالفايده من عذاب صار لحسابك

إما تريح خفوق فيك عرفته

وإلا أذبحه واستريح وريح أعصابك