قصة واقعية من التراث الجانودي :)

من طرف **Dr.x** الأربعاء أبريل 08, 2009 2:45 pm

الخيبة ممكن تقتل الواحد
كتبتها باللهجة المحلية عشان يبقى نفس الايقاع :ظ„ظˆظˆظˆظ„:
في يوم الصبحيات, كان زلمي عم يشتغل بالبرية قريب من الضيعة, صدفة شاف تعلب معه جيجي جايبها سارقها من الضيعة وجاي, حط وطمرها تحت الشجرة وراح. بعد فترة كمان التعلب جاب جيجي تانية طمرها جنبها. بعدين كمان جاب وحدة تالتة وطمرها. هون صارت المسويات والزلمي خلص شغل, أوم راح وحفر وطلع الجيجات التلاتة. وخباهن. ونطر يراقب التعلب من بعيد. التعلب رجع فاضي اخر مرة والظاهر تعب طول نهار من صيد الجيج. فقرر على ما يبدو يرتاح ويستمتع بأكل الجيجات ألي طمرن.بس لما حفر أول وحدة ما شافها! حفر عغيرها ما شافها, حفر عتالتة كمان ما شافها, أوم لف ودار بأرضه لف ودرا, صاح صوت بالمقلوب وقلب ميت, من قهره فقع :) ما بذكر اشو اسم الزلمي!!! فشو رأيكم؟

من طرف **Hawari** الأربعاء أبريل 08, 2009 3:26 pm

شكرا Dr.x على القصه الحلوة مع تمنياتي لك بالتوفيق والاستمرار الدائم في طرح المواضيع الرائعة و الاكثر من رائعة

من طرف **Ghary** الأربعاء أبريل 08, 2009 3:34 pm

الخيبة ممكن تقتل الواحد

كلامـك صحيح والله وهذي القصة واقعية,,,

وفعلا الخيبة وانعدام الامل تقتل الواحد,,,

والله يأويك,,

من طرف **الحبيب** الخميس أبريل 09, 2009 3:39 am

مشكور دكتور
واقعية

من طرف **الزير سالم** الجمعة أبريل 10, 2009 2:06 am

أعلل النفس بالامال ارقبها مااضيق العيش لولا فسحة الامل
بشكرك على المشاركة واحلى شي فيها انك كتبتها باحلى لهجة اخ الغربة نستنا حتى لهجتنا
الله يطول عمرك لاتنسانا من هيك مواضيع وبلهجة الضيعة

من طرف **Dr.x** الجمعة أبريل 10, 2009 3:25 pm

خلص ولا يهمك أخوي الغالي! والغربة يالانترنت معكن صارت قربة :)

من طرف **jameel** الجمعة أبريل 10, 2009 3:34 pm

بعد ما قرات القصة تذكرت الضيعة وحكايات جدي يسلمو يا غالي قصة واقعية من التراث الجانودي :) 406758

قصة واقعية من التراث الجانودي :) Clipart-Fox-Drawing_02

من طرف **حلاo** الإثنين مارس 29, 2010 5:54 pm

سلمت يداك
على القصة الحلوة

من طرف **ScOrPiOn Of DeAtH** الإثنين مارس 29, 2010 7:04 pm

جميل تذكرت حكايا جدك ؟؟؟؟
علي الطلاق هادا الزلمة هو جدك نفسه لاني سمعت القصة منه
ههههههههههههههههههههههههههههههههههههههههه
مشكور احلى د. اكس
يسلمو يا عسل