لمطبخ الشامي .. (حيث يطيب الأكل)

بسم الله الرحمن الرحيم ..

السلام عليكم طباخات صوت الشام
كيفكووون . شووو أخباركووون ..

اليوم جبتلكم طبخة طيبة كتييير كتييير من أطيب الطبخات الشامية ..
و على فكرة هاي الطبخة طبخة أكابرية و ازا بدّك توجّبي ضيوفك سويلون اياها ..
جربيها خيتو و مارح تندمي ..
الطبخة الأولى اسما (شيخ المحشي)

المقادير:

1 كيلو كوسا مقاس صغير
ربع كيلو لحمه ناعمه هبره
1 بصله وسط مفرومة فرماَ ناعماَ
نصف كيلو لبن عربي
1 كاس ماء
صنوبر مقلى
2 ملعقه كبيره طحينه
ملح
فلفل حسب الرغبه
ملعقه سمنه
بيضة

الطريقة:

- نقلي اللحمه و البصله مع بالسمنه و نتبل بالملح و الفلفل حسب الرغبه و يضاف إليها الصنوبر .
- نحفر الكوسا حفر سميك ثم يحشى باللحمه حتى ثلاثة ارباع الكوسا الواحده و من لب الكوسا نسد فوهة كل حبة كوسا .
- نقلي الكوسا بالسمنة حتى تحمر .
- نضع في طنجره اللبن و الماء و الطحينه و البيضة و نخلطهم جيدا
- نضع الكوسا باللبن و عندما يبدا اللبن بالغليان نطفئ النار ونضعه الكوسا مع اللبن في صحن التقديم .

و يقدّم مع الرز ..
و بالهناء و الشفاء ..

و إلى اللقاء مع طبخة تانية .. بس ان شاء الله تعجبكون هاي..